Dega e Partisë Demokratike Kavajë, i është bashkuar degëve të tjera të PD në Qarkun e Korçës dhe Beratit, duke shprehur mbështetje për kreun demokrat Lulzim Basha.
Në një mesazh drejtuar qytetarëve të Kavajës, për votën që dhanë duke përbuzur blerjen me paratë e krimit dhe duke sfiduar fuqinë e makinerisë së shtetit të vënë në dispozicion të Partise Socialiste, është mirënjohëse qytetarëve dhe do të vijojë betejat e saj përkrahah lidershipit të PD-së në çmontimin e farsës elektorale dhe rikthimin e shpresës për shqiptarët.
“Ne u bëmë pjesë e një fushate model të Partisë Demokratike dhe lidershipit i saj Lulzim Basha, një fushatë me strategji pozitiviste, një fushatë qytetare që ofroi një program që synonte rritjen e mirëqënies se çdo qytetari në Shqipëri.
Jemi sërish në betejë; në betejën e triumfit të moralit të politikës, në betejën për të ardhmen evropiane të Shqipërisë”, thuhet në reagim.
