Partizani do të luajë të hënën kundër Apolonisë, ndeshje e vlefshme për javën e 31-të të Superiores. Kjo sfidë do të zhvillohet në orën 18:00 në stadiumin “Elbasan Arena”.
Një kalendar që favorizon të kuqtë pasi në letër fierakët janë potencialisht më dobët se kryeqytetasit. Një mundësi e mirë për të marrë kryesimin e Superiores pasi kundërshtarët që luftojnë për titullin kampion kanë ndeshje të vështira.
Teuta luan në transfertë kundër Vllaznisë, ndërsa Laçi pret Kukësin në shtëpi. 6 javë nga fundi i Superiores gara është bërë më e ethshme se kurrë.
Ende nuk dihen skuadrat që do të shkojnë në Europë dhe njëkohësisht akoma s’janë përcaktuar ekipet që zbresin në Kategorinë e Parë. Kujtojmë që Teuta ndodhet në vendin e parë me 55 pikë, Partizani në të dytin me 54 pikë, Vllaznia në vend të tretë me 53 pikë.
E diel
Kastrioti-Skënderbeu 16:00
Bylis-Tirana 16:00
E hënë
Laçi-Kukësi 15:00
Vllaznia-Teuta 18:00
Partizani-Apolonia 18:00
