Partizani dhe Laçi u ndanë në barazim 2-2, në një sfidë ku nuk mungoi tensioni dhe lufta e ashpër. Një ndeshje shumë delikate për të dyja ekipet, por në fund ndanë nga një pikë.
Te Partizani, kanë ankesa për gjykimin, pasi u anulua goli i Stenio Zhuniorit pas faullit të Çinarit ndaj portierit Sherri. Përmes një postimi në rrjetet sociale, Jasir Asani, mesfushori i Partizanit, ka ironizuar për golin e shënuar nga sulmuesi brazilian.
“Po po, faull ishte…” shkroi Asani duke bërë ironi me gjyqtarët e ndeshjes, që i hoqën mundësinë Partizanit për të shënuar golin e dytë dhe ndeshja mund të kishte marrë një tjetër rrjedhë. Asani është një ndër lojtarët që merr më shumë vëmendje me postimet e tij dhe duket se mesfushori i Partizanit nuk është aspak i kënaqur me vendimin e arbitrave.
