“Bravo Met! Mehmet Greca i cili i kap duke blerë vota në Elbasan nuk është vetëm ujku i kokainës, por dhe i votave!! Tejkaloi dy herë vet Ramën!”. Kështu shperhet Berisha për Mehmet Grecën, njeriu i përfshirë në ngjarjen e ndodhur në Elbasan, i cili pranoi se bënte fushatë për Taulant Ballën.
Ky i fundit, në Elbasan ka marrë më shumë se 20 000 vota personale, duke tejkaluar dhe kryeministrin Edi Rama.
Hetimet e prokurorisë lidhur me ngjarjen në Elbasan zbuluan se në makinën e drejtuar nga Greca u gjetën lista me emra dhe fotokopje kartash ID, bllok shënimesh ku shkruhej “pagesa” si dhe një dokument format A4 me përshkrimin “formular patronazhi”, bashkë me disa fletëpalosje të Partisë Socialiste dhe kandidatit Taulant Balla.
Bllok ‘pagesash’ dhe karta ID: Si u manipulua përplasja e përgjakshme e Elbasanit
Mehmet Greca është dënuar nga një gjykatë britanike lidhur me një ngjarje të nodhur në dhjetor 2016, kur në banesën ku ai jetonte u gjetën 51 kg kokainë me pastërti të lartë, mbi 80 paund (Cash) dhe një makineri që shërbente për numërimin e parave. Vlera e drogës së sekuestruar u vlerësua nga autoritetet rreth 5 milion paund.
