Presidentja e Kosovës, Vjosa Osmani, ka uruar Partinë Socialiste për fitoren e zgjedhjeve të 25 Prillit në Shqipëri.
Dy ditë pas daljes së rezultatit, përmes një postimi në Twitter, ku ka zgjedhur të mos e përmendë emrin e Edi Ramës, Osmani uron PS-në për rezultatin, por përgëzon edhe PD-në.
“Urime Partisë Socialiste për fitoren në zgjedhjet e 25 prillit. Përgëzoj Partinë Demokratike dhe gjithë partitë e tjera per garën zgjedhore. Uroj që të gjithë përfaqësuesit politik të kontribuojnë në forcimin e demokracisë, sundimit të ligjit dhe bashkëpunimit me Kosovën”, shkruan Osmani.
Në fund të vitit të kaluar Vjosa Osmani zhvilloi një vizitë në Shqipëri që shkaktoi tension te qeveria shqiptare, ndërsa Edi Rama deklaratat e Presidentes së Kosovës i cilësoi si ndërhyrje në punët e brendshme.
