Ndërkohë që në emisionin ‘Open’ diksutohej nëse do t’i njohë ose jo opozita zgjedhjet, kandidati i PD në qarkun e Korçës, Ervin Salianji deklaroi se PD do të ankimojë zgjedhjet dhe do të paraqesë fakte para gjykatës se këto zgjedhje ishin të manipuluara dhe të blera.
Lidhur me këtë deklaratë ka ardhur dhe reagimi i analistit Andi Bushati, i cili u shpreh skeptik në lidhje me optimizmin e PD për të marrë një përgjigje dhe gjykim të drejtë nga gjykatat shqiptare.
Bushati tha se në Shqipëri vendimi i gjykatave dihet, ëhstë i njëjtë si ai që kanë deklaruar sot për zgjedhjet Edi Rama dhe Yuri Kim, ndërsa shtoi me ironi se nëse do të ishte për Gjykatat e Kim dhe Ramës ai sot do ishte në burg.
‘Problemi është çfarë do të bëjë opozita tjetër Po të jetë për gjykatat vendumin e tyre e dimë që sot. Po të ishte për gjykatat e Ramës dhe Yuri Kim, unë sot duhet të isha në burg’, tha Bushati.
