Nëntë qytetarë të prekur nga Covid-19 kanë humbur jetën në Kosovë. Të dhënat bëhen publike nga ana e Institutit Kombëtar të Shëndetit Publik, që raporton se nga kryerja e 3262 testeve të dyshuara, 269 prej tyre janë konfirmuar pozitivë.
Përkundër rasteve të reja, që mbeten ende të larta, treguesi pozitiv është se është rritur numri i qytetarëve të shëruar.
Nga fillimi i epidemisë dhe deri sot në Kosovë kanë humbur jetë 2162 qytetarë, shumica e të cilëve me sëmundje të tjera bashkëshoqërues.
“Numri total i rasteve pozitive është 104.986 raste nga 530.954 persona të dyshimtë në virusin SARS-CoV-2 dhe 2.162 raste të vdekjes. Gjatë 24 orëve të fundit, janë shëruar 449 pacientë derisa numri i përgjithshëm i të shëruarve deri më sot është gjithsej 93.528 raste, kurse numri i rasteve aktive është 9.296”, njofton IKSHPK-ja.
Rastet pozitive janë nga komunat:
Prishtinë 49 raste, Ferizaj 30 raste, Mitrovicë 23 raste, Gjilan 17 raste, Vushtrri 17 raste, Gjakovë 13 raste, Prizren 13 raste, Podujevë 12 raste, Klinë 11 raste, Fushë-Kosovë 10 raste, Pejë 10 raste, Graçanicë 7 raste, Lipjan 7 raste, Obiliq 7 raste, Skenderaj 6 raste, Malishevë 5 raste, Drenas 4 raste, Kaçanik 4 raste, Rahovec 4 raste, Suharekë 4 raste, Dragash 3 raste, Zubin-Potok 3 raste, Deçan 2 raste, Istog 2 raste, Shtime 2 raste, Viti 2 raste dhe me nga një rast komunat Kamenicë dhe Leposaviq.
Sipas të dhënave të bëra publike, Prishtina rezulton të jetë qytetit më i prekur në Kosovë pasi raporton numër të lartë të infektimeve dhe viktmave.
