Një makinë është bllokuar mbrëmjen e sotme në rrugën “Siri Kodra” në kryeqytet, pas një ndjekjeje nga policia nëpër kryeqytet.
Policia është vënë në ndjekje të makinës pas telefonatave të marra nga qytetarë të ndryshëm, se persona që lëviznin me këtë automjet, i kanë kërcënuar me armë. Ata u përpoqën të largohen duke e hipur makinën “Alfa Romeo” mbi trafikndarëse por më pas braktisën veturën dhe humbën gjurmët.
Efektivë të policisë kanë gjetur një sasi të vogël kokaine në kroskotin e makinës.
