Policia e Shkodrës ka arrestuar një person, pasi ishte i dënuar nga gjykata e Lezhës me 3 vjet e 10 muaj burg. Në prangat e bluve të qytetit verior ka rënë Eduard Frroku, 40 vjeç, banues në Lezhë, i cili ishte i shpallur në kërkim për “Vjedhje me armë”.
Në momentin e arrestimit 40-vjeçari ishte duke ecur me automjet pa leje drejtimi, dhe nuk i është bindur urdhrit të policisë për të ndalur duke u larguar me shpejtësi, por ai u prangosur disa minuta më vonë.
Arrestimi i Eduard Frroku u bë pasi Drejtoria Vendore e Policisë Lezhë e ka shpallur në kërkim për veprën “Vjedhje me armë” dhe Gjykata Lezhë e ka dënuar me 3 vjet e 10 muaj heqje lirie.
