Ardit Çela, kandidati i LSI-së në Berat ka akuzuar se në Berat “janë mbushur kutitë”.
Çela tha se në dy qendra numërimi në Berat kanë rezultuar më shumë fletë votimi sesa votues dhe për këtë ka prova. Ai shtoi se këto kuti janë të pavlefshme, por janë quajtur të vlefshme dhunshëm nga PS.
Kryetarja e LSI-së, Monika Kryemadhi, deklaroi më herët se LSI-së i është vjedhur një mandat në Berat, Korçë dhe Durrës.
Më herët, LSI kërkoi pamjet filmike të të gjitha qendrave të votimit në rang vendi, si edhe kopje të materialit elektronik në të gjithë vendin.
Në Qarkun e Beratit, LSI nuk mori asnjë mandat.
