Edi Paloka ka folur nga Durrësi për incidentin e ndodhur ditën e djeshme në Pallatin e Sportit mes ish kryebashkiakut Vangjush Dako dhe kandidati për deputet të PD, Ferdinand Xhaferraj.
Paloka shprehet se Dako është shpallur “non grata” nga SHBA dhe e cilëson si figurën më të korruptuar dhe të lidhur me krimin në Shqipëri.
“Në listën e Departamentit të Shtetit amerikan si figura më e korruptuar dhe e lidhur me krimin në Shqipëri, provokoi dje dhe fyeu kryetarin e PD në Durrës, zotin Ferdinand Xhaferraj. Ngjarja ndodhi në ambjentet e Pallatit të Sportit, ku numëroheshin votat e KZAZ nr.21 në Durrës. I shpallur “non grata’ nga SHBA, Dako nuk ka hezituar asnjë moment të tregojë se është ai kryetari reali i PS për zgjedhjet në Durrës. Sot fryma e ndryshimit është më e madhe se asnjëherë, ne jemi të fortë dhe të vendosur që me vendosmëri luftojmë çdo ditë për të mbrojtur demokracinë së bashku”, tha Paloka.
