Një 23-vjeçar ka mbetur i plagosur me armë zjarri në Korçë. Raportohet se ai është qëlluar në këmbë dhe ndodhet jashtë rrezikut për jetën, ndërsa autori është në kërkim policor. Krimi, sipas policisë, ndodhi pas një konflikti të çastit.
“Rreth orës 10:55, në lagjen nr.14, pas një konflikti të çastit, shtetasi Th.Th., rreth 17 vjeç, dyshohet se ka plagosur me armë zjarri në këmbë, shtetasin K. L., rreth 23 vjeç, i cili u dërgua në Spitalin e Korçës dhe ndodhet jashtë rrezikut për jetën”, thuhet në njoftim paraprak të policisë për ngjarjen.
Nga ana e Policisë po kryhen veprimet proceduriale dhe po punohet për kapjen e autorit të dyshuar, ndërsa grupi hetimor ndodhet në vendngjarje dhe po punohet për zbardhjen e rrethanave të ngjarjes, shtuan të njëjtat burime.
