Gjykata ka lënë në burg Arben Memën, i cili mesditën e 25 Prillit u fut me automjet në zonën e këmbësorëve në sheshin “Skënderbej” në kryeqytet, duke rrezikuar jetën e qytetarëve.
Këtë të Mërkurë, ai ka dalë para gjykatës së Tiranës, ku është njohur me masën e sigurisë së arrestit me burg.
Në sallë e 32-vjeccari Mema ka deklaruar se nuk e ka bërë me të keq veprimin dhe se i është kthyer makina sa majtas, djathtas. Po ashtu ai ka thënë se ende nuk i ka dalë pija.
“Nuk e bëra me të keq, do ikja djathtas mu kthye makina majtas. S’më ka dal ende pija, më doli makina jashtë kontrollit”, mësohet të ketë deklaruar Mema.
Pas ndalimit, atij iu gjet hashash në makinë. Dyshohet po ashtu se Mema ishte nën efektin e lëndëve narkotike kur u fut me makinë në zonën e këmbësorëve.
