Andrea Mano rezulton kandidati i dytë më i votuar në listat e PD-së në Korçë, pas Ervin Salianjit.
Megjithatë, edhe pse Mano ka një numër të konsiderueshëm votash, për shkak të pozicionit në vendin e shtatë në listë, për të marrë një mandat deputeti, e vetmja mënyrë është thyerja e herësit.
Në Qarkun Korçë, mandatet janë ndarë 8 për PS dhe 6 për PD. Kështu, nga llogaritjet, Andrea Manos i duhet të thyejë herësin duke marrë mbi 10.000 vota për të qenë pjesë e Kuvendit të ri.
Sipas KQZ-së, në Korçë janë numëruar 208 nga 427 qendra votimi në total, ndërsa Mano ka 4 590 vota.
Duke parë trendin, misioni duket i vështirë, por jo i pamundur.
