Disa qindra mbështetës të Partisë Demokratike janë mbledhur në oborrin e kësaj partie, në mbështetje të kryetarit Lulzim Basha.
Në një kohë kur në sheshin Skënderbej, socialistët po zhvillonin mitingun e fitores, në selinë e demokratëve kanë vërshuar mbështetës dhe simpatizantë, anëtarë të strukturave dhe degëve për t´i shprehur mbështetjen Bashës.
Me përfundimin e numërimit të votave në të gjithë vendin, PD arriti kuotën e 59 mandateve, duke rikuperuar rreth 16 mandate më shumë se 2017, por edhe disa mandate më shumë se zgjedhjet e 2013.
Gjithsesi humbja e zgjedhjeve parlamentare të 25 prillit është e 4-ta rradhazi që kur Lulzim Basha mori drejtimin e PD.
PD e drejtuar nga Basha humbi zgjedhjet vendore të 2015, parlamentare të 2017, nuk mori pjesë në zgjedhjet e 2019 dhe humbi ato të 25 prillit 2021. Zyrtarisht PD nuk ka deklaruar asgjë lidhur me rezultatin zgjedhor, ndërsa sipas statusit të kësaj partie, zgjedhjet për drejtuesin e saj mbahen në muajin korrik.
