Ka përfunduar procesi i numërimit të votave në qarkun e Beratit.
PS ka marrë 42 355 vota. PD ka marrë 23 038 vota. LSI – 8394 vota.
PS merr 5 mandate, PD-2.
Krahasuar me 2017-ën, kur u zhvilluan zgjedhjet e fundit parlamentare, PS fiton një mandat më shumë. PD po ashtu merr një mandat më shumë. LSI, nga ana tjetër, humb dy mandate.
Në numër votash, PS shënon një rënie me rreth 3 mijë vota, PD rritet me rreth 7 000 vota. LSI që në 2017-ën ishte forcë e dytë në qark, bie me më shumë se 10 000 vota.
Referuar listës së PS, nëse nuk ka thyerje të herësit nga kandidatët, deputetë në Kuvend do të jenë: Hatixhe Konomi, Bardhyl Kollçaku, Fadil Nasufi, Nasip Naço, Blendi Klosi.
Nga PD, gjithmonë nëse s’ka thyerje të herësit, deputetë do të jenë: Tomorr Alizoti dhe Kasëm Mahmutaj.
