Grent Halili do të jetë e reja e Tiranës në sfidën me Vllazninë. Kjo, sepse Agustin Torasa ka katër kartonë të verdhë. Sulmuesi ka plotësuar numrin e kartelave të verdha dhe do të mungojë në sfidën që bardheblutë luajnë të mërkurën me Vllazninë.
Trajneri Orges Shehi ka vendosur që në vend të Torasës të aktivizojë Halilin. Po kështu, jashtë qëndron Toshevski i dëmtuar dhe në vend të tij do të aktivizohet Toli që bëri shumë mirë.
Mbrojtja do të kthehet me tre, ku Vangjeli, Hoxhallari e Najdovski luajnë para Bekajt. Më përpara në mesfushë Toli, Batha Çelhaka e Ismajlgeci, ndërsa në sulm, Halili, Kale e Seferi. Lojtarët do të përbëjnë 11-shen anti-Vllaznia. Ka edhe një plan B me Toshevskin në fushë e Halilin jashtë.
