Numërimi i 445 qendrave të votimit në Qarkun Vlorë ka përfunduar me ftuese Partinë Socialiste.
Sipas të dhënave zyrtare të Komisionit Qendror të Zgjedhjeve, PS ka marrë 59 023 vota, ose 57.91 % të totalit të votave.
PD dhe koalicioni opozitar ka marrë 32 128 vota, ose 31.52% të totalit të votave.
Mandatet ndahen në 8 për PS dhe 4 për PD.
LSI mbetet pa mandat në këtë qark.
Krahasuar me vitin 2017, PS ka një rënie me rreth 6 000 vota në këtë qark. Nga ana tjetër, PD sheh rritje.
Ndërsa LSI, edhe në këtë qark shënon një humbje të madhe votash me rreth 6 mijë vota, gati 50 përqind më pak se në vitin 2017.
Referuar listës së PS, nëse nuk ka thyerje të herësit nga kandidatët, deputetë në Kuvend do të jenë: Pranvera Resulaj, Anduel Tahiraj, Vullnet Sinaj, Anila Denaj, Niko Kuri, Ilir Metaj, Damian Gjiknuri, Edi Rama.
Kryeministri Edi Rama rezulton fitues mandati edhe në Qarkun Durrës, ku kandidonte bashkë me Vlorë. Nëse ai lë mandatin në Vlorë dhe merr atë në Durrës, gjithnjë nëse s’ka thyerje herësi, mandati i kalon Teuta Ramës – e nënta në listën e Vlorës.
