Kreu i Vetëvendosjes, Boiken Abazi ka denoncuar edhe këtë të Martë se votat e tij janë vjedhur nga Partia Socialiste.
Në një postim në FB, ai ka publikuar disa fletë votimi, për të cilat thotë se janë bërë të pavlefshme nga komisionerët me qëllim.
“Për të mbuluar krimin elektoral, mbrëmë tentuan me të gjitha format e presioneve që mos t’i lejonin vëzhguesit tanë të bënin fotografi në qendrat e numërimit. Por ja që ia dolëm sërish me fakte të tjera të dëshmojmë se si votat tona deformohen me një “X” të dytë nga komisionerët, për t’ia kaluar votat tona PS ose për t’i shpallur ato të pavlefshme”, shkruan Abazi.
Fotot e publikuara
