Komisioni i Pavarur i Kualifikimit konfirmoi të Martën në detyrë gjyqtarin e Sarandës, Sokol Pina.
Trupa gjykuese përbëhej nga Firdes Shuli, Lulzim Hamitaj dhe Roland Ilia.
KPK nuk gjeti asnjë problem në asnjë prej kritereve të rivlerësimit. Nuk u evidentuan probleme në asnjë prej kritereve të rivlerësimit, gjatë seancës dëgjimore.
Sokol Pina përfundoi studimet në Shkollën e Magjistraturës në vitin 2014 dhe punoi fillimisht si gjyqtar në Gjykatën e Tiranës. Prej vitit 2015, ai e ka ushtruar funksionin në Gjykatën e Rrethit Sarandë, ndërkohë që në nëntor të vitit 2020 është deleguar në Apelin e Gjirokastrës.
