Përkthimi gabim i Vettingut dhe Kushtetutës, e cili i është dërguar Komisionit të Venecias nga zyra e Euralius në Tiranë ka irrituar ish kryeministri Berisha. Nëpërmjet një statusi të faqen e tij zyrtare Facebook Berisha ka sulmuar ashpër ambasadoren e BE -së në Tiranë, Romana Vlahutin.
Ai ka akuzuar edhe Ramën dhe Xhafën duke i quajtur ata si falsifikator mafioz.
Statusi i Berishës
Fallsifikim mafioz i Edi Rames! Te dashur miq, fallsifikimi nepermjet perkthimit, me shtim fjalish ne anglisht qe nuk ekzistojne, ne tekstin e neneve te Kushtetes nuk eshte standart europian por antieuropian. Ky eshte nje akt mafioz korruptiv dhe i turpshem, poshterues per Shqiperine, i mafies qeveritare, qe meriton ndeshkim. Ekzekutimi i ketij akti korruptiv skandaloz eshte realizuar nga Rama – Xhafa nepermjet segmenteve te caktuara te misionit te Euralius! Sulmet qe iu bene opozites nga Rama, e cila konstatoi se tekstit te neneve te Kushtetutes, te derguar ne Komisionin e Venecias, ne variantin anglisht i jane shtuar fjali qe nuk jane votuar ne parlament, deshmojne se ky eshte nje veprim mafioz korruptiv i tij. Por dhe heshtja para ketij skandali te paprecedent i ambasadores Vllahutin, e njohur tashme per njeanesine e saj shembullore me qeverine, flet jo pak dhe e akuzon dhe kete te fundit. I bej thirrje Komisionit Europian te hetoje shkaqet dhe rrethanat e ketij akti korruptiv mafioz te qeverise ne bashkepunim me segmente te misionit te Euralius ne Tirane, qe nuk ka asgje te perbashket me vlerat dhe parimet europiane! sb
