Në një komunikim për mediat, Grida Duma theksoi se deri tani rezultatet janë në favor të Partisë Demokratike.
Kandidatja e Partisë Demokratike në Kavajë, tha se surpriza sipas saj mbetet Rrogozhina, edhe pse nuk është njohur si bastion i PD-së, rezultatet janë pozitive për këtë forcë politike.
“Ka një rritje të PD nga 30 në 50 %. Siç e prisnim jemi në një rezultat të jashtëzakonshëm. Padyshim edhe Rrogozhina na ka surprizuar për mirë, ndonëse nuk është njohur si bastion i PD-së. Njësia administrative e Golemit na ka suprizuar po ashtu. Vlen të them që çdo minutë dhe çdo votë që numërohet rezulton drejt fitores. Jam e bindur që shqiptarët kanë votuar PD dhe Aleancën për Ndryshim. Me informacionet që kemi edhe me kolegët në Tiranë, rezultati është gjithmonë në rritje, shpresoj që deri në fund të arrijmë ndryshimin për Shqipërinë”, tha Duma.
