Kryetari politik i qarkut të Tiranës në PS, Erion Veliaj tha se PS merr më shumë se 72 mandate, sipas projeksioneve të Partisë Socialiste.
Por, shtoi ai, do të duhet të presim procesin e numërimit për rezultatin përfundimtar.
“Ka qenë një ditë e gjatë, një ditë frytdhënëse, mezi pres ta çojmë deri në fund duke nisur procesi i numërimit. Lajmi i mirë që morëm është që të gjithë exit poll-et na kanë nxjerrë fitues me 71-72 mandate. Projeksionet tona, në Tiranë dhe gjithë Shqipërinë, janë më shumë. Por, duhet të presim me shumë durim procesin e numërimit. Fitorja që është në kutitë e numërimit duhet të numërohet, të numërohen edhe votat e kundërshtarëve tanë, edhe votat e atyre partive që nuk kanë numërues, me respektin më të madh”, u shpreh kryebashkiaku i Tiranës.
