Partizani fitoi dje 4-0 me Kukësin. Një ndër lojtarët më të mirë në fushë padyshim ishte Stenho Junior.
Braziliani i të kuqve ka treguar se përshtatja me futbollin shqiptar ka qenë e menjëhershme, duke shënuar rregullisht. Në tre ndeshjet e fundit (Bylis, Kastrioti, Kukësi), sulmuesi ka çuar topin në rrjetë, duke trembur kundërshtarët e ardhshëm të Partizanit.
Golat dhe forma e mirë e Junior kanë bërë që Daja ta vendosë lojtarin në majën e sulmit, me 29 vjeçarin që ka realizuar katër gola qysh nga afrimi I tij në janar.
Me 366 minuta në 11 paraqitje, Junior ka fituar zemrën e tifozëve të Partizanit me cilësitë dhe lojën e tij, ndërsa ka trembur kundërshtarët e radhës. Partizani luan të mërkurë me Laçin në transfertë.
