Pjesëmarrja në votime deri në orën 16:00 është rreth 40,85 përqind sipas të dhënave të KQZ-së.
Referuar të njëjtit burim, të dhënat bazohen nga raportimet që janë kryer në KQZ nga 1744 qendra votimi – nga 5199 që janë në total.
Dibra dhe Tirana vijojnë të mbeten dy qarqet me pjesëmarrjen më të lartë.
Zëdhënësja e KQZ-së njoftoi se aplikacioni i KQZ “vijon të jetë funksional, me komisionerët dhe operatorët që kanë nisur të transmetojnë në dhënat si të shifrave ashtu dhe ecurisë në qendrat e votimit”.
Zgjedhjet e kaluara, sipas të dhënave zyrtare nga KQZ, deri në orën 16:00, kanë votuar 35,58% e qytetarëve me të drejtë vote. Shifra bazohet në raportimet e 4.069 qendrave të votimit.
