Deputeti gjerman dhe njëkohësisht pjestar i Këshillit të Evropës, Andrej Hunko, ka mbërritur si vëzhgues në qendrën e votimit shkolla “Pjetër Budi”. Ai tregon për mediat përshtypjet e tij si vëzhgues për procesin e votimit në Shqipëri.
“Ka qindra vëzhgues në Tiranë dhe në Shqipëri dhe ne do të mbledhim, informacionet e do bëjmë vlerësimin për të ndihmuar në zgjedhje të lira e të ndershme dhe që të pranohen nga të gjitha palët. Unë nuk mund të bëj vlerësim në këto momente se nuk kam shumë informacione,” shprehet Hunko.
Në këtë qendër votimi pati një ndërprerje 10 minuta dhe shkak u bë shkëputja e energjisë elektrike, por po punohet për rregullimin e defektit.
