Juristi Fatmir Xhafaj, i cili kandidon për deputet nën siglat e Partisë Socialiste në Qarkun e Tiranës, ka shkelur Kodin Zgjedhor.
Xhafaj kërkon votat në emrin e tij, duke udhëzuar votuesit që krahas siglimit në fletën e votimit të nr 12, ku renditet Partia Socialiste, të votojnë edhe emrin e tij, i cili renditet i 23 në listën e kandidatëve socialistë.
Deputeti socialist u vendos në një zonë aspak të sigurtë në renditjen e kandidatëve socialistë, ndërsa duket se kjo ka detyruar Xhafajn që të kërkojë mbështetje për emrin e tij.
Gjithsesi thirrja e Xhafajt, aq më tepër me profesion jurist, është një shkelje e ligjit, për të cilën KQZ edhe mund të reagojë.
