Zgjedhjet në Shqipëri prodhojnë gjithmonë çudira. Gjatë ditës së sotme janë regjistruar disa momente të veçanta, krahas problemeve të shumta lidhur me pajisjet biometrike që në disa qendra janë bllokuar dhe në të tjera nuk janë vënë në punë, për shkak të padijes së komisionerëve.
Por çudira duket edhe me vendndodhjen e qendrave të votimit.
E ndërsa në qytete të ndryshme qendrat e votimit kanë qenë edhe në ambiente private, në Tiranë, në njësinë nr 2, qendra e votimit është zgjedhur një lokal, ku kati i parë votohet, ndërsa në tarracë, shihen banorë të zonës që konsumojnë pije.
Ndoshta kjo mund të jetë qendra e votimit më e veçantë, por njëherazi edhe më e rrezikshme, nëse komisionerët vendosin që të ngjiten një kat më lart dhe të nisin festën.
