“Unë kam vendosur të mos kandidoj për të rinovuar mandatin tim”. Kjo ishte deklarata surpriz e presidentit të Francës, Francois Hollande se nuk do të kandidojë për një mandate të dytë. Kreu i elizes këtë deklaratë e bëri gjatë një fjalimi të drejtpërdrejtë televiziv.
“Në muajt e ardhshëm- tha Hollande- detyra ime do të jetë të vazhdoj drejtimin në krye të shtetit”. Pas këtij vendimi, ka ardhur edhe reagimi i parë nga një ish-ministër i Ekonomisë, Emmanuel Macron, i cili tha se presidenti kishte bërë një “vendim të guximshëm”.
Pas tërheqjes së Hollande Kryeministri Manuel Valls me shumë gjasa do të jetë favorite për të fituar kandidaturën, i cili këtë dëshirë e ka shprehur edhe javën e kaluar.
