Jasir Asani shënoi një supergol ndaj Kukësit, duke i hapur rrugën fitoren 4-0 të Partizanit. Pas ndeshjes për “Gol pas Goli”, Asani nuk ka nguruar t’i dërgojë ftesë Agim Ibraimit për t’u bashkuar me Partizanin.
“Ishte një ndeshje shumë e mirë dhe e merituam fitoren. Kukësi ka një ekip shumë të mirë, por ne e bëmë më të lehtë, duke luajtur si grup. Ky është goli më i bukur këtë sezon. Ne si lojtarë kemi shumë cilësi përpara dhe na duhej një stadium si “Air Albania”, pasi luajmë poshtë me topin. Tirana luan për veten dhe ne për veten. Unë mendoj se me Laçin do të jetë më e vështira.
Ibraimi? E njohim Ibraimin dhe është shumë lojtar i mirë. Jam i lumtur që jemi shokë. Në rrjetet sociale do ketë ngacmime. Ka kontratë me Kukësin, por mund të them se është i mirëseardhur te Partizani.
E ardhmja? Vullnet për të qëndruar ka, por të mbarojmë ndeshjet. Jam akoma lojtar i Partizanit, por në fund do të ulemi dhe do të shikojmë çfarë do të ndodhë.”, tha Asani.
