Derbi i Londrës i takon skuadrës së Chelsea, që ka mposhtur West Ham United me rezultatin e ngushtë 1-0.
Golin e fitores, “Blutë e Londrës” e arritën në fundin e pjesës së parë, kur gjermani Timo Werner nuk gaboi dhe me një gjuajtje brenda zonës e çoi topin në rrjetë.
Sulmuesi gjerman edhe në pjesën e dytë mund të kishte shënuar golin e qetësisë, por gaboi një rast flagrant për të cilët edhe është bërë i famshëm në Londër këtë sezon.
West Ham në 10 minutat e fundit luajti me një lojtar më pak dhe nuk pati fuqinë të shënonte golin që do të shmangte humbjen dhe tani Chelsea renditet në vendin e katërt, me 3 pikë më shumë se skuadra tjetër londineze.
