Luis Suarez, sulmuesi më i mirë në 5 ligat elitare të Europës

Luis Suarez shënoi përsëri mbrëmjen e së mërkurën për Barcelonën, teksa “MSN” frymëzoi triumfin 3-1 ndaj Arsenalit në “Camp Nou”, në sfidën e kthimit të 1/16 finale të Ligës së Kampioneve. Jo vetëm siguroi gjigandët e La Liga në çerekfinale të Champions-it, por ish-lojtari i Liverpool rrumbullakosi golin e tij të 43-të të këtij sezoni, në të gjitha garat. Po t’i shtosh këtij rekordi fenomenal edhe 18 asistime, atëherë të dyja bashkë kapin shifrën 61, vetëm në sezonin 2015-2016. Kjo është arritja më e mirë në Europë, teksa sulmuesi uruguajan renditet edhe përpara shokëve të skuadrës, Lionel Messi dhe Neymar, si edhe para yllit portugez të Real Madridit, Cristiano Ronaldo, që këtë shifër (gola+asiste) e kanë respektivisht: 52, 44 dhe 53. Kjo nuk do të thotë se “Reds” e kanë humbur sulmuesin uruguajan, por Premier Liga si një e tërë. Në këtë sezon, njeriu me më shumë gola dhe asiste në Angli është sulmuesi belg i Evertonit, Romelu Lukaku, me 31. Luis Suarez, sulmuesi më produktiv në “top 5” ligat europiane, në të gjitha garat Sigurisht, kjo shifër është gjysma e produktivitetit të sulmuesit uruguajan të Barcelonës, ose më saktë 30 (gola+asiste) më pak se Suarez. Zlatan Ibrahimovic është në vendin e katërt, me 35 gola dhe 15 asistime, i cili thuhet se mund të jetë në rrugën e mbërritjes në Angli këtë verë. Një tjetër objektiv i Premier Ligë është Pierre-Emerick Aubameyang, që e ka produktivitetin 41 (gola+asiste) në të gjitha garat, ndërsa Aduriz i Athletic Bilbao e ka 39. Romelu Lukaku është ylli më i shndritshëm i “Premier League”, me 31 gola Bundesliga dominon pjesën tjetër të listës, sikurse është dyshja e Bayern Munich, Robert Lewandowski dhe Thomas Muller, të ndjekur nga mesfushori i Borussia Dortmund, Mikhitaryan, me 38 (gola+asiste) secili. Po të kthehemi në Angli, pas Lukaku vjen Riyad Mahrez i Leicester, që ka shënuar 16 gola dhe ka dhënë 11 asistime. Mesut Ozil i Arsenalit, dhe Sergio Aguero e Harry Kane të Manchester City dhe Tottenham plotësojnë “top 5”, me 26, 25 dhe 24 gola dhe asiste, përkatësisht, ndërsa Olivier Giroud, Jamie Vardy dhe Kevin De Bruyne e kanë, gjithashtu, nga 24 këtë shifër.