Një super operacion i policisë franceze ka sekuestruar 1 ton kokainë me vlerë 100 milionë euro. Sipas “Reuters” që citon një prokuror të Francës. e gjithë lënda narkotike vinte nga Amerika Latine.
Droga ka arritur në Francë me aeroplan nga Kolumbia dhe është konfiskuar në një depo në qytetin jugperëndimor francez, Bayonne, ditën e mërkurë.
Dhjetë persona me nënshtetësi kolumbiane, franceze, spanjolle dhe holandeze, të dyshuar se janë përfshirë në fluturimin e drogës për në Francë, janë arrestuar si pjesë e operacionit policor.
