Elsa Bita, një aktiviste e PD, është dhunuar sapo ka dalë nga banesa e saj. Bita është dhunuar, madje ka pësuar fraktura në krahun e saj.
Bita akuzon shefin e komisariatit për dhunën e ushtruar, si dhe aktivistë të Rilindjes.
“Më ka dhunuar shefi i Komisariatit të Rilindjes”, tha Bita, e cila nga spitali sqaron se i është tentuar t´i thyejnë edhe telefonin.
Bita tha se ka filmuar një ditë më parë faktin se dyert e Bashkisë së Divjakës ishin të mbyllura dhe pamjet i ka hedhur në rrjetin social.
Gjithashtu, aktivistja e opozitës tha se është dhunuar ndërsa ka filmuar edhe një mbledhje elektorale të zhvilluar nga Partia Socialiste, në një kohë që ka filluar heshtja zgjedhore.
Sipas denoncueses, e cila ndodhet e shtruar në spital, dhunuesi është shefi i komisariatit të Divjakës, Altin Shehu, ndërsa ajo po filmonte mbledhjen elektorale në ditën e heshtjes zgjedhore.
