5 mësime për Guardiolën, që të fitojë “tripletën” me Bayern Munich

Gazeta gjermane, “Bild”, bën një numër kërkesash për Pep Guardiolën, pas ndeshjes kundër Juventusit, që Bayern Munich të fitojë “tripletën”. Që nga aktivizimi si titullar i Thiago dhe produkti “i ngadaltë” i Xabi Alonso. Kujtojmë se Bayern Munich shkoi në çerekfinale të Ligës së Kampionëve pas një ndeshjeje dramatike kthimi në 1/16 finale, në “Allianz Arena”, teksa Muller dhe Lewandowski zhbënë disavantazhin 2-0 në kohën e rregullt, ndërsa në shtesë i dërrmuan kampionët e Italisë. Gjithçka u bë tepër e vështirë për shkak të disiplinës së mirë taktike dhe efektivitetit të Juventusit. Pep Guardiola dhe Franck Ribery Ekipi i Guardiolës ishte në gjendje ta kthente situatën në favorin e vet në kohën shtesë, me golat e Thiago dhe Koman, por ende shtypi gjerman ka luksin, ia lejon vetes t’i japë “pesë mësime” teknikut spanjoll për të ardhmen, edhe pse marrëdhëniet mes Guardiolës dhe medias së këtij vendi nuk do të jetë e gjatë. Kjo për shkak se Pep e ka bërë publik transferimin e tij nga Bayerni te Manchester City në fund të sezonit. Gazeta gjermane thotë që, nëse ish-trajneri i Barcelonës shpërfill këto indikacione, “tripleta” e Bayern Munich është e pamundur. Pep Guardiola u befasua taktikisht nga Masimilliano Allegri Mësimi 1: Të mos befasohesh taktikisht. Ashtu si në vitin 2014, kundër Real Madridit, Guardiola nuk i parashikoi, madje u “zu mat” nga taktikat e ekipit kundërshtar. Juventusi ka bërë një presion të madh në fillim dhe kështu erdhi rezultati 0-1. Mësimi 2: Thiago duhet të luajë titullar. Bayern Munich i mungonte një krijues, edhe pse spanjolli është në gjendje të mirë. Është e qartë se Vidal është një zgjidhje më e mirë se i ngadalti Xabi Alonson për “pozitën 6”. Mësimi 3: Në mbrojtje duhet Benatia. Me të në prapavijë, ky repart do të ishte më i sigurtë. Plus Boateng, që kthehet së shpejti. Mësimi 4: Reago më shpejt. Ekipi i Guardiolës nisi të korrigjohet 60 minuta pas fillimit të ndeshjes me Juventusin. Hyrja në lojë e Koman në këtë moment, pastaj edhe e Thiago në minutën e 110-të, ishin lëvizjet e duhura, por të vonuara. Ata vendosën ndeshjen. Pep priti gjatë për zëvendësimet, edhe pse skuadra ishte duke humbur. Mësimi 5: Ekipi duhet të jetë më i përgjegjshëm. Premisa e Guardiolës është se, duke bërë gjërat sipas rrugës së tij, do t’ia dalë mbanë me sukses. Por, ajo që pamë ndaj Juventusit nuk ishte tipike në përputhje me lojën e Pep. Nëse sfida përfundoi ashtu, kjo në bazë të mentalitetit gjerman.