Autorja e hitit “Justice”, Lizzo, publikoi një foto topless të paedituar në rrjete sociale të martën për të bërë një deklaratë të fuqishme në lidhje me bukurinë natyrore. Ajo donte të jepte një mesazh të rëndësishëm, duke u shprehur se të gjithë duhet ta duan trupin e tyre dhe duhet të kenë vlerësim për veten.
“Mirësevini në sezonin e Demit. Për të festuar, dua të të dhuroj këtë selfie të paedituar. Tani normalisht do ta rregulloja barkun dhe do ta lëmoja lëkurën, por doja të tregoja se si dukem natyrale”,- shkroi ajo krahas imazhit, shkruan “Page Six”.
Lizzo shpesh tregon linjat trupore teksa shfaqet me veshje seksi në rrjete sociale. Gjatë një interviste, ajo ka treguar se tashmë ndihet shumë mirë nën lëkurën e saj. Kjo vjen pasi bukuroshja deklaroi se gjatë periudhës së izolimit, teksa e shihte veten në pasqyrë mendonte se sa e shëmtuar ishte. Kjo ndodhte sepse ishte mësuar ta shihte Lizzo-n me make up dhe të kuruar deri në detaje, saqë veten natyrale e shihte shumë pak ose aspak.
