Belind Këlliçi, kryetari i Forumit Rinor të Partisë Demokratike, ka dhënë deklaratën e tij në SPAK, në lidhje me ngjarjen e djeshme ku ndaloi një makinë me ushqime në Vaqarr, të cilat sipas tij, do të shpërndaheshin në këmbim të votave.
Në një deklaratë për mediat, Këlliçi ka thënë se në SPAK ka dorëzuar fakte që sipas tij, kanë të bëjnë me pazar nga ana e kryetarit të njësisë administrative Gentjan Myrto, në lidhje me lehtësimin e procedurave për blerjen e një prone.
“Në zbatim të nenit si person në dijeni, kam zbatuar lidhin dhe kam dorëëzuar kallëzimin penal për hetimin e kësaj çështje. Kallëzimi ka të bëjë me krim zgjedhor, me korrupsion aktiv dhe pasiv. I kërkoj SPAK të kryejë detyrën dhe të hetojë ngjarjen. Në këtë vend ka ardhur momenti që të marrë fund pandëshkueshmëria. Në zonën e Vaqarrit, banorët ankohen se u është vjedhur prona dhe askush nuk ka marrë masa. SPAK të zbardh ngjarjen. Kam dorëzuar fakte, flitet për një pazar nga ana e kryetarit të njësisë administrative në lidhje me lehtësimin e procedurave për blerjen e një prone. Kërkohen para dhe rryshfet. Pak më vonë do të nxjerrë edhe diçka tjetër në lidhje me ngjarjen“, tha ai.
Më tej, ai ka thënë se në SPAK ka dorëzuar edhe një USB, që brenda ka një audio-përgjim.
“Gentian Myrto po grabit pronat e banorëve. Kam depozituar një USB me një material që më ështëë dorëzuar nga një qytetar është një audio-përgjim. Qytetarëve u kërkohen mijëra euro“, shtoi.
Këlliçi, ditën e djeshme ka bllokuar makinën e zyrtarëve në Vaqarr, e vila ishte mbushur me ushqime. Sipas Këlliçit, këto ushqime do të shpërndaheshin në këmbim të votave. Këlliçi tha se i pranishëm ka qenë djali i xhaxhait të kryetarit të Komunës së Vaqarrit, Gentjan Myrto.
Por, sipas policisë, “nga veprimet e kryera ka rezultuar se ushqimet ishin përgatitur për t’ua shpërndare për iftar, besimtarëve mysliman që agjërojnë”.
