Vuajtjet për Robert Lewandowskin duket se janë drejtë fundit. Katër javë pas dëmtimit të tij me Andorrën kur luante për Poloninë në kualifikueset e Botërorit, sulmuesi bavarez tani është gati të rikthehet në fushën e lojës.
“Ndihem shumë mirë, kam disa ditë që jam rikthyer në stërvitje dhe gjithçka ka shkuar shumë mirë dhe sipas planit. Kjo do të thotë që mund të jem gati për të luajtur në fundjavë”, tha Lewa.
Gati 14 ditë iu deshën polakut të pushonte për shkak të dëmtimit duke humbur kështu dy takimet e rëndësishme në Champions, ndaj Parisit ku Bayern u eliminua në fazën çerekfinale.
“Robert është mirë dhe të gjithë jemi të kënaqur që ai do të jetë me ne në fundjavë. Ai është një lojtar shumë i rëndësishëm për skuadrën dhe mungesa e tij është ndier shumë edhe pse Çupo-Moting ka bërë shumë mirë në atë pozicion”, tha trajneri gjerman.
Ndeshja ndaj Mainz do të ishte edhe fillimi i ndjekjes së rekordit të Muller. Lewandowski i ka shkuar deri tani shumë afër duke shënuar 35 gola me kampionët e në fuqi. Kështu i duhen edhe pesë për ta arritur dhe 5 për ta thyer. Vetë lojtari u shpreh se shpresonte që të shënonte që në fundjavë duke tentuar të thyejë arritjen madhështore që ish-sulmuesi i Bayern bëri në sezonin 1971-‘72.
“Nëse do t’ia dal, këtë nuk e di. Por, shpresoj që kur të hyjë në fushën e lojës të shënojë menjëherë. Futbolli luhet për të shënuar gola dhe kjo është ajo që di të bëjë më mirë (qesh). Janë edhe katër ndeshje për t’u luajtur dhe gjithçka mund të ndodhë”.
