Nga foltorja e parlamentit kreu i qeverisë, Edi Rama prezantoi projektbuxhetin për vitin 2017.
Ai i ka dhënë përgjigje akuzave të opozitës dhe ka kujtuar edhe njëherë se ishte qeveria e vjetër ajo që i la vendit gropën e madhe financiare.
“Qeveria e vjetër nuk bëhet dot kurrë qeveri e re deri kur të vazhdojë me avazin e vjetër, të shpifjeve, gënjeshtrave, recituesve të shpifjeve të gënjeshtrave që kanë zëvendësuar ekipin, e liderin që s’kanë me kë ta zëvendësojnë se e kanë një të vetëm e të papërsëritshëm”¬ tha Rama.
Rama e quajti buxhetin historik për të financuar reformat e mëdha, “që si e nënvizoi Merkel kanë çelur rrugën e një ndryshimi rrënjësor. Ky buxhet është një arritje shumë e rëndësishme pas përpjekjesh të mëdha e mundimesh jo të vogla. Një nga treguesit më kuptimplotë është spostimi i 100 mln dollarëve nga arka e shtetit në atë të familjeve të punonjësve të shtetit dhe pensionistëve, rritja më e lartë në 25 vjet”¬ tha ai. Rama kujtoi se 8 vitet e shkuara, u spostuan 124 mln dollarë gjithsej, kurse vetëm me këtë buxhet spostohen 100 mln dollarë, ndërkohë që përmes uljes së taksës mbi të ardhurat personale në sistemin publik e privat bashkë janë spostuar 440 mln dollarë në 4 vite.
“Që do të thotë se kjo qeveri dhe shumica e këtij kuvendi kanë vendosur të heqin mbi gjysmë miliardë dollarë nga shteti te qytetarët, saktësisht 540 mln dollarë në katër vjet. Ndjesë se kjo shifër që e kam përdorur edhe më parë nuk përfshin rritjen e rrogave të policisë së shtetit që në buxhetin e parë me 40 mln në katër vjet. Shlyem 720 mln borxhe të fshehura që i gjetëm sa morëm detyrën, dhe 1.1 miliardë dollarë të akumuluar nga OSHEE në 6 vjet, u përballëm me një krizë të vërtetë financimi të kantiereve të hapura të rrugëve.
Shqiptarëve u thuhet përditë nga qeveria e vjetër për 10 mijë km rrugë, kurse gjatë qëndrimit në opozitë ajo thotë se ka bërë 11 mijë, edhe 1 mijë km pasi iku nga detyra, por kjo është histori tjetër. Qeveria e vjetër tenderoi nga 2005¬2013, 1744 km rrugë, jo 10 mijë, e as 11 mijë, përjashtuar Rrugën e Kombit pa tender fare dhe likujdoi vetëm 34% të vlerës financiare të kontraktuar.
E dini sa km rrugë ka bërë në 8 vjet? Vetëm 943 km”¬ tha Rama.
Ai garantoi se ekonomia do rritet me 3.5% dhe do rritet cdo vit, duke sjellë zhvillim e mirëqenie.
“Miqtë tanë në të djathtë i parashikuan vendin një skenar grek, pastaj vazhduan me uljen dramatike të konsumit dhe fantazuan deflacionin që do rezultonte fatale për qeverinë dhe PS që do përfundonte si PASOK.
Ja ku është qeveria aty ku do jetë edhe sot një vit”¬ tha ai.
Rama u shpreh krenar me punën e bërë nga kjo shumicë. “Ne jemi krenarë që e vëmë në vend dinjitetin e nëpërkëmbur nga ju që i morët votën pa hesap dhe e latë pa hesap në rrugën e dëshpërimit. Atje në kafe duket sikur jemi një parti dhe kur shfaqeni për të bërë politikë jeni gjëja më e pabesueshme që ka prodhuar ky vend në historinë e politikës”¬iu drejtua Rama opozitës.
