Operacioni policor në Itali shkatërroi një bandë shqiptarësh të akuzuar për kontrollin e trafikut të drogës dhe prostitutave në Milano.
“Në qoftë se 1.500 euro në javë do ju duken pak, vetëm shumëzojini për njëzet vajzat që ky grup kishte nxjerrë për të prostitutuar”.
Kështu e ka nisur fjalën e tij kreu i hetimeve Lorenzo Bucossi teksa ka dhënë detaje lidhur me operacionin “Toka Jonë”.
Ai ka thënë se banda me 14 shqiptarë, fitonin 1500 euro nga një vajzë që prostituonte vetëm në një javë, deri në 12 mijë euro në muaj. Sipas hetuesve, këto para më pas investoheshin në trafikun e kokainës që vinte me makinë nga Hollanda. Gjatë operacionit të koduar “Toka Jonë”, policia ka sekuestruar rreth 7 kg kokainë dhe tre kg marijuanë fshehur në disa pako oriz në një apartament në via Scrivia (në mes të progresit Lodi) që përdorej nga një nga të arrestuarit. Banda ishte e njohur edhe për dhunën që ushtronte ndaj vajzave që nxirrnin në rrugë për prostitucion. Sakaq mësohet se disa prej shqiptarëve kishin marrë pjesë edhe në një përplasje me armë që kishte ndodhur në zonën e Lorenteggios disa kohë më parë. Gjatë këtij incidenti nuk ka pasur viktima, edhe pse disa njerëz të maskuar qëlluan mbi një makinë që kishte në bord të tjerë shqiptarë të të njëjtit grup, mesa duket qëllimi ka qenë për t’i frikësuar, shkruajnë mediat italiane.
