Një person ka qëlluar për vdekje me thikë bashkëshorten e tij. Kjo ngjarje e rëndë ka ndodhur në orët e para të mëngjesit të sotëm në fshatin Drizë të Kuçovës.
57-vjeçari Ruzhdi Luzi ka vrarë gruan e tij 49-vjeçare Manjola Luzi, e cila pas plagëve të marra është dërguar në spitalin e Kuçovës, por pa mundur të mbijetojë. Bëhet me dije se ambulanca është lajmëruar nga fqinjët të cilët kanë dëgjuar zënkën e tyre natën dhe panë çfarë kishte ndodhur.
Sipas policisë dyshohet se shkaqet e para të ngjarjes janë për motive xhelozie, por pritet marrja në pyetje e autorit të krimit për të zbuluar më tepër.
