YouTube ka demonetizuar përkohësisht kanalin e influencerit dhe make-up artistit të famshëm gay, James Charles, pasi kishte ngacmuar seksualisht me mesazhe dy djem 16-vjeçarë.
YouTube konfirmoi për BBC se 21-vjeçari, i cili ka 25 milion abonentë në kanalin e tij në YouTube, ishte hequr përkohësisht nga programi i tyre i partneritetit, i cili lejon YouTube-sat të fitojnë para nga përmbajtja e tyre.
Kjo është kompania e dytë që rivlerëson partneritetin e saj me influencerin. Të premten, Charles dhe kompania e kozmetikës Morphe njoftuan përfundimin e partneritetit të tyre.
