Ambasada amerikane në Tiranë i është përgjigjur Prokurorisë në lidhje me kandidatin në zgjedhjet e 25 prillit, Tom Doshi.
Prokuroria i kërkoi ambasadës së SHBA informacion për Doshin, pas nisjes së hetimit të thelluar për kandidatin në zgjedhje, për dyshime se preket nga ligji i Dekriminalizimit.
Burime nga Prokuroria nuk bëjnë të ditur përgjigjen e mbërritur nga selia diplomatike, pasi ajo do të jetë pjesë e verifikimit të plotë ndaj subjektit Tom Doshi.
Prokuroria e Përgjithshme konfirmon se verifikimi mbi drejtuesin e Partisë Social-Demokrate pritet të mbyllet, vetëm pasi të jetë administruar edhe përgjigja nga Interpol-i
Ndërkohë, raportohet se Prokuroria është shprehur se “Për Doshin presim përgjigje edhe nga Interpol”. Tom Doshi garon në Tiranë dhe në Shkodër në siglën e PSD.
Kujtojmë se DASH e ka futuar në “listën e zezë” Doshin, ndërsa ambasadorja Yuri Kim është treguar e ashpër në deklaratat ndaj tij, duke kërkuar që të mos kandidojë në zgjedhjet parlamentare të 25 prillit.
