Për të tretën herë, banesa e Arben Pëllumbit në fshatin Halil të Fushë Krujës është bërë shënjestër e shpërthimit me eksploziv.
Ngjarja ka ndodhur rreth orës 23:00 të mbrëmjes së të dielës, 18 prill.
“Në oborrin e banesës së pabanuar të shtetasit A. P., ka shpërthyer një sasi e vogël lëndë plasëse, ku si pasojë ka vetëm dëme materiale”, njofton policia.
Në ambientet e Policisë janë shoqëruar disa shtetas të dyshuar për këtë ngjarje që dyshohet të ketë ndodhur si pasojë e disa konflikteve të ndodhura më parë.
Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.
