Kategoria Superiore do mbyllë sot ndeshjet e javës së 28-të me tre duele. Vëmendja tanimë shkon në javën pasardhëse, me FSHF që ka vendosur që duelet të zhvillohen në 23 dhe 24 prill, duke lënë pushim të dielën e 25 prillit për shkak se janë Zgjedhjet Parlamentare në Shqipëri.
Sfidat e 29 do zhvillohen në orare të “çuditshme” nga sa jemi mësuar këtë sezon. Të premte në program luhet Teuta – Tirana, me sfidën që merr jetë në orën 18:00 në “Niko Dovana”.
Të shtunë zhvillohen katër ndeshje në dy orare të ndryshme. Në 16:00 luhen tre duele. Kastrioti pret Laçin, Bylis luan me Apoloninë, ndërsa Vllaznia me Skënderbeun. Në 19:00, Partizani pret Kukësin në “Air Albania”.
Java e 29-të
E premte, 23 prill
Teuta-Tirana 18:00
E shtunë, 24 prill
Kastrioti-Laçi 16:00
Bylis-Apolonia 16:00
Vllaznia-Skënderbeu 16:00
Partizani-Kukësi 19:00
