Partizani ka arritur një fitore të madhe 3-1 përballë Kastriotit në ndeshjen e zhvilluar në stadiumin “Air Albania”.
Të kuqtë e Ilir Dajës, nuk e patën të lehtë teksa për të arritur te 3 pikët iu desh të përmbyste shifrat teksa Klejdi Daci kaloi fillimisht miqtë në avantazh në minutën e 4 të takimit. Fillimisht Partizani barazoi shifrat në minutën e 31-të me anë të Hakajt.
Golat e fitore për Demat u shënuan në pjesën e dytë me autorë të golit Stenio Junior dhe Jasir Asani përkatësisht në minutat 75’ dhe 85’.
Me këtë fiore Partizani ngjitet përkohësisht në vendin e parë në kuotën e 50 pikëve, 1 më shumë se Teuta por me këta të fundit me një ndeshje më pak teksa luajnë nesër përballë Skënderbeut.
