Një ditë para ceremonisë zyrtare të varrimit të Princ Philip një tjetër detaj është zbuluar. Makina Land Rover Defender e modifikuar nga Princi Philip, do të mbajë arkivolin e tij.
Duka i Edinburgut, i cili u nda nga jeta në moshën 99-vjeçare, punoi për modifikimin e mjetit për 16 vjet, duke filluar nga viti 2003. Duka u kujdes që makina e tij mortore të mbante disa tipare të zgjedhura nga ai vetë. Thuhet se ai projektoi pjesën e pasme të hapur duke përfshirë pajisjet prej gome dhe argjendi që do të sigurojnë arkivolin e tij në udhëtimin e tij për në Kapelën e Shën Gjergjit.
Duka përdori Land Rovers gjatë gjithë jetës së tij dhe e ka cilësuar atë si makinën e tij të preferuar të të gjitha kohërave.
