Vazhdon neglizhenca e shtetit për 15 familjet që u përmbytën një muaj më parë nga dalja e lumit Tirana. Sot ata kanë 5 ditë që po zhvillojnë një grevë urie në ambientet e palestrës së shkollës Gramoz Palushi, në Babrru dhe nuk ka vajtur askush për ti takuar apo që të bisedoj me ta.
Në grevë janë futur 31 persona të cilët i kërkojnë qeverisë dhe pushtetit vendor që të zgjidhë sa më shpejt çështjen e strehimit të tyre, pasi rrezikohen të vdesin nga i ftohti dhe nga uria bashkë me fëmijët e vegjël.
Vetë banorët e prekur nga fatkeqësia thonë se e kanë të pamundur të kthehen në shtëpitë e tyre tek bregu i lumit, pasi ato janë bërë të pabanueshme si shkak i daljes së lumit Tirana sa herë që bie shi, ndaj dhe i kërkojnë qeverisë t’iu akordojë kredi të buta për të blerë shtëpi larg lumit.
