Presidenti rus Vladimir Putin kërcënon perëndimin duke urdhëruar dërgimin e 55 mijë trupave ushtarake në kufirin me Ukrainën. Lajmi konfirmohet edhe nga zv.ministri i Mbrojtjes në Rusi, Ihor Dolhov.
Ndërkohë në Kiev ka frikë se mos Moska po përpiqet për një ofensivë të re për të rrëzuar qeverinë.
Prania e ushtrisë së rregullt ruse në territorin e Ukrainës varion nga 5 mijë deri në 7 mijë e 500 trupa.
Ndërsa në gadishullin e Krimesë shkon në 23 mijë ushtarë.
Pas pushtimit dhe marrjes së njëanshme të Krimesë, Rusia ka nisur prej kohësh një ofensivë tjetër në zonat lindore të Ukrainës, pavarësisht apeleve të vazhdueshme të Perëndimit për të ndalur luftimet.
Nga ana tjetër, Ministria ruse e Mbrojtjes më parë njoftoi planet për të dërguar 80 herë më shumë ushtarë dhe pajisje ushtarake në Bjellorusi në vitin 2017 sesa në vitin 2016.
