Ardit Kërtusha, ish-drejtues i FRESSH-it në Durrës, u shpreh mbrëmjen e sotme se vetëm dje në zonën e Kënetës janë larguar nga PS rreth 100 socialistë, të cilët iu bashkuan Partisë Demokratike.
Kërtusha u shpreh se Edi Rama i ka ditët e numëruara në politikën shqiptare, duke e cilësuar si liderin më cinik në Botë.
“Kam takuar Lulzim Bashën, është një lider normal, një lider europian. Jam i sigurtë se nëse do të kishte kohë dhe të takonte personalisht shqiptarët, atëherë të jeni të sigurtë se mbi 99 % e shqiptarëve do e pranojnë si Kryeministrin e ardhshëm”, tha Kërtusha.
Ai tha se bashkëqeverisja PS-PD nuk ka asnjë sens, ndërsa u shpreh se më mirë do të ishte që vendi të shkojë në zgjedhje të njëpasnjëshme se sa të durojë 4 vite një bashkëqeverisje që nuk prodhon asgjë dhe vendi mbetet pa opozitë.
“Koha e Ramës ka mbaruar, në 25 prill humbet zgjedhjet”, tha Kërtusha.
